Кәсіби стандарттар және Сертификаттау орталықтары

«Атамекен» ҚР Ұлттық кәсіпкерлер палатасы ҚР Еңбек кодексінің 117-бабына сәйкес 2016 жылдың 1 қаңтарынан бастап жұмыс берушілердің салалық бірлестіктерімен әзірленген кәсіби стандарттарды бекітеді.

2016 жылдан бастап «Еңбек дағдыларын дамыту және жұмыс орындарын ынталандыру» жобасы шеңберінде Қазақстан Республикасы Үкіметі мен Халықаралық Қайта құру және даму банкі арасындағы серіктестік туралы келісім шеңберінде Қазақстан Республикасының Ұлттық біліктілік жүйесінің негіздерін құру бойынша жұмыс жалғасуда. Осы жобаны жүзеге асыру мерзімі 2021 жылдың аяғына дейін ұзартумен 5 жылды (2016-2020 жж.) құрайды. Жоба шеңберінде Ұлттық біліктілік жүесінің сертификаттау элементін құруға арналған негіздерді әзірлеу жоспарланған.

Сондай-ақ, «Атамекен» ҚР ҰКП Төралқасының Адами капиталды дамыту және бизнестің әлеуметтік саясаты комитеті жанында Біліктілік жөніндегі қосалқы комитет құрылды. Қосалқы комитеттің төрағасы – «KAZENERGY» қауыдастығы Адами капиталды дамыту жөніндегі атқарушы директоры Ақмұрзина Ләззат Жексенбайқызы.

Кәсіби стандарттар өндірістік кәсіпорындардың, оқу орындарының және ғылыми мекемелердің бірлескен сарапшылар топтарымен бірлесумен жұмыс берушілер бірлестіктерінің бастамасымен әзірлене алады.

Жұмыс жиындарына қатысу және кәсіби стандарттарды әзірлеу және бекіту бойынша қосымша ақпаратты алу үшін «Атамекен» ҚР ҰКП Адами капиталды дамыту комитетіне хабарласуға болады, тел: 8-7172-919-343 және электронды пошта: zhd.npp@gmail.com.

Қосымша материалдар, ақпарат, кәсіби біліктілік бойынша пікірталас нәтижелері Қазақстанда біліктілікті дамыту тобында орналастырылған.