Алматының құрылыс индустриясына қандай мамандар қажет?

2025 жылғы 04 Сәуір

- Алматы қаласы

534 просмотров

Дереккөз: Алматы қаласының «Атамекен» ӨКП

Техникалық прогресс пен қоғамның жаһандануымен кейбір мамандықтар өткенге айналады. Олардың орнын жаңалары толтыруда. Жаңа кәсіптер мен құзыреттердің қалыптасып жатқан Атласы мамандарға қойылатын қазіргі заманмен қатар болашақ қажеттіліктерін ескеруі тиіс. Мегаполиске қандай мамандар қажет? Олар бойынша кім және қалай оқытады? Осы және басқа да мәселелер «Атамекен» өңірлік палатасының қатысуымен Алматы құрылыс және менеджмент колледжінің алаңында өткен форсайт-сессия барысында талқыланды. Жұмысшы мамандықтар жылында бұл тақырыптың ерекше маңызы бар.

Жыл сайын Алматыда шамамен 2 миллион шаршы метр тұрғын үй пайдалануға беріледі. Тағы 700-800 - агломерацияда. Іс жүзінде жазық далада жаңа еркін экономикалық аймақ – Алатау қаласы салынуда, ол да қаланың агломерациясына кіреді. 2030 жылға қарай заманауи шаһар тұрғындары шамамен 2 миллион адамды құрайды деп күтілуде. Демек, тұрғын үй, инфрақұрылым, өнеркәсіптік және іскерлік нысандардың үлкен құрылысы күтілуде. Эргономикаға, экологиялық таза, энергия үнемдеуге артықшылық беріледі. Демек, кәсіптік білім беру саласы жаңа технологиялар мен техникаларға еркін бағдарланған мамандарды даярлауы керек.

Форсайт-сессия жұмысына сабақтас оқу орындарының оқытушылары мен шеберлері, сондай-ақ салалық қауымдастықтардың, өнеркәсіптік одақтардың өкілдері, әлеуметтік әріптестер қатысты.

Жаңа мамандықтар тізімінде: сити-менеджер, сити-шебер, энергия тиімділігі жөніндегі маман, 3D және «жасыл» құрылысты жобалаушылар, құрылыстағы экоаналитик және басқалар ұсынылуда.

«Техникалық мамандану деңгейін арттыруға баса назар аудара отырып, құрылыс барысында тікелей жұмыс істейтіндерді: бетон құйюшылар, тас қалаушылар, әрлеушілер, краншылар сияқты мамандар туралы да ұмытпау керек. Қаншалықты жаһанданғанмен, бұл мамандықтар әр кезде қажет болады», - деп есептейді Алматы қаласы сәулет, дизайн және инженерия колледжі директорының оқу-өндірістік жұмысы жөніндегі орынбасары Талғат Айтжанов.

Жаңа кәсіптер Атласын қалыптастыруға «Атамекен» кәсіпкерлер палатасы етене қатысады. Ол бизнес пен оқу орындары арасындағы ерекше көпір бола отырып, жұмысшы кәсіптерінің конъюктурасын зерттейді, дуальды оқытудың Жол картасын және шарттар тізілімін қалыптастырады.

«Бизнес сіздерге құлақ түруі керек. Біз жыл сайын бизнес арасында кадрлардың қажеттілігі бойынша сауалнама жүргіземіз. Ал құрылыс саласындағы мамандар еңбек нарығында сұранысқа ие топқа кіреді. Құрылыс және онымен байланысты компаниялар кадр тапшылығынсезініп отыр. Алматының жетекші құрылыс компанияларының басшыларымен тікелей сөйлесу үшін мен сіздерді құрылыс жөніндегі салалық кеңестің отырысына шақырамын. Палата ынтымақтастыққа дайын, нарықтың барлық қажеттіліктері мен білім беру бағдарламаларын ескере отырып, жаңа кәсіптердің жіктелуіне өзгерістер енгізуге дайын», - деп атап өтті Алматы қаласы «Атамекен» ӨКП адами капиталды дамыту бөлімінің бастығы Толқын Әбілдаева.

Болашақтың перспективалары мамандардың қаланың өзгеріп отыратын талаптары мен сұраныстарына бейімделуі үшін бүкіл мәнсапта икемділік пен оқуға дайындықты қажет етеді. Дәл осындай кәсіпқойлар экологиялық таза, энергияны үнемдейтін және технологиялық жағынан дамыған болашақ қаланың табысты құрылысына ықпалын тигізетін болады.