Павлодарлық «Атамекен» кәсіпкерлікті мемлекеттік қолдау шараларын түсіндіруге қатысты

2023 жылғы 14 Сәуір

- Павлодар облысы

6906 просмотров

Павлодар облысының Кәсіпкерлер палатасының қызметкерлері Кәсіпкерлік және индустриялық-инновациялық даму басқармасы ұйымдастырған Павлодар облысының ірі жүйе құраушы кәсіпорындары мен жергілікті тауар өндірушілердің қатысуымен өткен кеңеске қатысты.

Бизнес өкілдерін «QazTrade Сауда саясатын дамыту орталығы» АҚ мен «KazakhExport» Экспорттық сақтандыру компаниясы» АҚ тарапынан ағымдағы мемлекеттік қолдау шараларымен таныстырды. Кездесуде кәсіпкерлерде туындаған мәселелерді талқылауға мүмкіндік туды. Жүйе құраушы кәсіпорындар мен тауар өндірушілер арасында тауарларды, жұмыстар мен қызметтерді сатып алу мәселелері бойынша В2В-кездесулер өтті.

«Әрқашан шағын және орта бизнесі бар өңірдің ірі кәсіпорындарын келіссөз үстеліне шығаруға тырысу маңызды. Бұл жергілікті шағын кәсіпорындардың өнімдері мен қызметтерін сұранысқа ие етуге, ал қала құраушы индустриялық алпауыттарға өз өңірінде өнім берушілерді табуға мүмкіндік береді", – деп түсіндірді Павлодар облысы Кәсіпкерлер палатасының директоры Серік Сәдуақасов.