Қазақстанның Сыртқы сауда палатасы Орталық Азия мемлекеттері арасындағы өңіраралық ынтымақтастықтың алғашқы форумында қазақстандық бизнестің ұстанымын таныстырды
2025 жылдың 12–14 қарашасы аралығында Өзбекстан Республикасында «Шекарасыз ынтымақтастық» ұранымен Орталық Азия мемлекеттерінің өңіраралық ынтымақтастықтың алғашқы форумы өтуде.
Іс-шараға өңір елдерінің мемлекеттік органдары, іскер топтар және сауда-өнеркәсіп палаталарының өкілдері қатысты. Қазақстанның Сыртқы сауда палатасы атынан «Бизнес көшбасшылары – өңірлік ынтымақтастықтың драйверлері» атты пленарлық сессияда Палата Басқармасының төрағасы Мұрат Қарымсақов сөз сөйледі.
Өз сөзінде ол Форумның Орталық Азия елдерінің экономикалық байланыстарды нығайтуға, көршілестік қатынастарды дамытуға және іскерлік өзара іс-қимылдың жаңа тетіктерін қалыптастыруға ұмтылысын көрсететін маңызды оқиғаға айналғанын атап өтті.
«Бүгінде өңірлік кооперация сапалы жаңа деңгейге көтеріліп келеді. Саяси және үкіметаралық диалогтан біз практикалық экономикаға өтудеміз, мұнда басты рөл бизнестің еншісінде. Дәл кәсіпкерлер нақты өндірістік тізбектерді құрып, жұмыс орындарын ашып, сауданы дамытып, ынтымақтастыққа нақты әрі өлшенетін мазмұн береді», – деп атап өтті ҚССП Басқармасы төрағасы.
Мұрат Қарымсақовтың айтуынша, бизнестің өңіраралық жобаларға деген қызығушылығы жыл сайын артып келеді. Қазіргі таңда Өзбекстанда қазақстандық капиталдың қатысуымен 1 041-ден астам кәсіпорын тіркелген, ал Қазақстанда өзбек капиталы бар 4 500-ден астам компания жұмыс істейді. Бұл деректер Орталық Азияның іскер топтары тек сауда жасап қана қоймай, сенім мен өзара тиімділікке негізделген ортақ экономикалық экожүйелер құруға дайын екенін дәлелдейді.
Сессия барысында ынтымақтастықтың басым бағыттары да талқыланды: өндірістік кооперация мен қосылған құн тізбектерін дамыту, тиімді көлік-логистикалық бағыттар құру, сауда процестерін цифрландыру, сондай-ақ кадр даярлау және елдер арасындағы тәжірибе алмасу.
Мұрат Қарымсақов Қазақстанның Орталық Азия елдерінің серіктестерімен бірлесіп индустриялық және инновациялық жобаларды, логистикалық орталықтарды және жаңа өндірістік қуаттарды құру бойынша белсенді ынтымақтастыққа дайын екенін атап өтті.
Соңғы жылдар қорытындысы бойынша өзара тауар айналымының тұрақты оң серпіні байқалады. Тек 2024–2025 жылдары Қазақстан өңір елдерінің серіктестерімен өнеркәсіптік кооперацияны кеңейтуге және бірлескен өндірістер құруға бағытталған 50-ден астам келісімге қол қойды.
Сонымен қатар Форум аясында кедендік рәсімдерді, логистикалық маршруттарды және сертификаттау стандарттарын үйлестіру, сондай-ақ таңбалау мен көлік дәліздерін цифрландырудың бірыңғай ережелерін енгізу мәселелері талқыланды.
Пікір қалдыру:
Пікірлер: