Ақтоғай кәсіпкерлері «Атамекен» Палатасымен кездесуде бизнеске заңдардағы өзгерістерді үнемі түсіндіруді ұсынды
Ақтоғай ауданында "Атамекен" ӨКП филиалының аудандық кәсіпкерлер кеңесінің отырысы өтті, оны кеңес төрағасы Қалқаман Жүсіпов өткізді. Кездесуге аудандық филиал директоры Нариман Рахымжанов, бизнес және аудандық мемлекеттік органдардың басшылары қатысты.
Көтерілген мәселелердің қатарында Қазақстанның Салық Кодексіндегі өзгерістер, мемлекеттік сатып алу ережелеріндегі жаңалықтар, күзгі дала жұмыстарына дайындық, оның ішінде ауыл шаруашылығы тауарын өндірушілерді жанар - жағармай материалдарымен қамтамасыз ету, сондай-ақ кәсіпкерлік субъектілерін тексеруге мораторий аяқталған соң бизнесті не күтіп тұрғаны бар.
Алдағы жиын-терін туралы айта келе, Ақтоғай ауданының кәсіпкерлік және ауыл шаруашылығы бөлімінің басшысы Нұрсұлтан Жылқыбаев қазір жергілікті аграршыларға ЖЖМ жеткілікті көлемде бөлінгенін атап өтті: 1861 тонна. Отынды сату операторлары - «Парнас» ЖШС және «LF treid» ЖШС. Ақтоғай шаруа қожалықтары бiртiндеп көзделген жанармай мөлшерiн пайдаланады.
Ақтоғай аудандық санитарлық-эпидемиологиялық бақылау басқармасының басшысы Айнагүл Сқақова қаңтар айында бизнес субъектілерін тексеруге мораторий алынып тасталғанын, бірақ осыған байланысты тексерушілердің келуін күтудің қажеті жоқ екенін еске салды.
Павлодар облысы "Атамекен" Палатасының Ақтоғай филиалы кәсіпкерлер аудандық кеңесінің төрағасы мен кеңес мүшелері бизнес субъектілері арасында бизнес мүдделеріне қатысты барлық өзгерістер туралы түсіндіру жұмыстарын тұрақты жүргізуді және ауылдық округтерде көшпелі кеңестер ұйымдастыруды ұсынды.
Пікір қалдыру:
Пікірлер: