Павлодарлық «Атамекен» туралы пікірлер жинағы: Палата кәсіпорынға салықтың заңды мөлшерін қорғауға көмектесті
"KSP Steel" ЖШС Павлодар облысының кәсіпкерлер Палатасына оған қатысты қоршаған ортаға эмиссиялар үшін тым жоғары салық мөлшерлемесі негізсіз қолданылғаны туралы хабарлады.
Камералдық бақылау нәтижелері бойынша компанияға қатысты жеті хабарлама қойылды, олар бойынша 557,5 миллион теңге сомасына салық төлемдері қосымша есептелді. Павлодар қаласы бойынша Мемлекеттік кірістер басқармасы Салық кодексінің 576-бабы 6-тармағының 1, 2 және 3-тармақшаларына сүйене отырып, қождың әрбір тоннасы үшін бір айлық есептік көрсеткіш мөлшерінде салық мөлшерлемесін қолданды.
Павлодар облысының "Атамекен" Палатасында бұл кәсіпорынға эмиссиялар үшін салық ставкасы бір тонна қож үшін 0,019 АЕК болуы тиіс екендігі түсіндірілді. Бірақ салық органы бұл түсініктемелерді қабылдамады. Павлодар облысы прокурорының қатысуымен Бизнесті қорғау жұмысы барысында ӨКП қызметкерлері "дөңгелек үстелде" кездесу өткізіп, осы мәселені қарастырды. Отырыста мұндай салық мөлшерін есептеу үшін негіздеме қауіптіліктің жасыл деңгейі - шикізат болат балқытатын қож өндірісінің қалдықтарына салық ставкаларын дұрыс қолданбау болып табылды. Яғни, салықтық әкімшілендіру шаралары заңсыз болды.
Прокуратураның көмегімен берілген түсіндірмелерді салық органы қабылдады, ал қойылған хабарламалар тиісті мөлшерде орындалды. 557,5 миллион теңге сомасына салық төлемдерін есептеу жойылды.
Пікір қалдыру:
Пікірлер: