Павлодарлық «Атамекен» жастардың тәлімгерлік тәжірибесін пайдалануды ұсынды

2024 жылғы 19 Маусым

- Павлодар облысы

5123 просмотров

Павлодар облысы "Атамекен" палатасының Шарбақты ауданының алаңында облыстық ӨКП қатысуымен бейнеконференц-байланыс режимінде аудандық кәсіпкерлер кеңесінің отырысы өтті. Әңгіме сауда, ауыл шаруашылығы және қоғамдық тамақтану салаларындағы кадрлардың тапшылығы туралы болды.

Кездесуге палата директорының орынбасары Жомарт Сембаев, ӨКП адами капиталды дамыту бөлімінің бастығы Ажар Әбілғазина, Шарбақты ауданы әкімінің орынбасары Ризагүл Негманова, бизнес, мемлекеттік органдар өкілдері және басқалар қатысты. Отырыстың модераторы филиал директоры Қайырбек Құлымбенов болды.

№ 22 Шарбақты колледжінің басшысы Владимир Глазинский колледждің бітіруші топтарында аудан кәсіпкерлерінің "қонақ дәрістерін" қайта бастауды ұсынды. Олар студенттерді бизнестің негіздерімен таныстыруға, оның дұрыс басталуы мен ашылуына көмектеседі. Ол сондай-ақ осы топтар үшін кәсіпкерлік нысандарына экскурсиялар ұйымдастыру тәжірибесін жаңғыртуға ұсыныс берді.

Павлодар облысы кәсіпкерлер палатасы тәлімгерлік практикасының оң тәжірибесін еске салды, ол өз кезегінде бизнесті сауатты жүргізу туралы білім деңгейін арттыруға ықпал етеді. Жергілікті атқарушы органдарға бюджеттік топтардағы орындарды ұлғайту мәселесін зерделеу және пысықтау ұсынылды.

Павлодар облысы бойынша еңбекке жұмылдыру орталығы Шарбақты аудандық мансап орталығы филиалының басшысының міндетін атқарушы Нұрлыбек Қизатов адамдарды, оның ішінде оқу орындарының түлектерін жұмысқа орналастырудың қолданыстағы әлеуметтік бағдарламалары туралы айтып берді.

«Жастар практикасы» бағдарламасы 35 жасқа дейінгі азаматтарды жұмыспен қамтуға мүмкіндік береді. Бұл ретте жалақы мөлшері кемінде 30 айлық есептік көрсеткішті құрайды. «Әлеуметтік жұмыс орындары» кез келген жастағы адамдарды он екі айға жұмысқа орналастыруға мүмкіндік береді. «Бірінші жұмыс орны» бағдарламасы жұмыс істемеген 35 жастан аспаған азаматтарға жұмыс беруге мүмкіндік береді, жұмыс ұзақтығы 18 айды құрайды.

Жомарт Сембаев аудандық кәсіпкерлер кеңесінің отырыстарын бейнеконференция-байланыс арқылы өткізу тәжірибесі өзін жақсы көрсеткенін атап өтті. Ол кеңестердің жұмысын көрсетеді және барлық кәсіпкерлерге осындай кездесулерге қатысуға, маңызды ақпарат алуға және сұрақтар қоюға мүмкіндік береді. Сондықтан ол осы байланыс арқылы кәсіпкерлер кеңесінің отырыстарын үнемі өткізуді ұсынды.

Отырыста кәсіпкерлердің өздеріне еңбекақының лайықты деңгейін қамтамасыз етуге, жұмыс орындарында қауіпсіз жағдай жасауға, еңбек құқықтары мен қызметкерлердің әлеуметтік қорғалуын қамтамасыз етуге үлкен назар аудару ұсынылды.