«Біз жүзеге асырылып жатқан инвестициялық жобаларға көмек көрсетеміз» - Павлодар «Атамекен» басшысы
Павлодар облысы Кәсіпкерлер палатасының директоры Ерқанат Әбенов "INTERTRANS C. A." ЖШС өкілі Рүстем Кереевпен кездесті.
.JPG)
"Атамекен" өңірлік палатасының басшысы инвестициялық жобалар іске асырылатын орындарды аралап, ӨКП алаңында олардың басшыларымен кездеседі. "INTERTRANS C. A." ЖШС өкілі инвестициялық жоба бутан-бутилен фракциясы негізінде алкилат өндіру зауытын салудан тұратынын айтты. Жоғары октанды компонентті алу үшін газды терең өңдеу, кейіннен К5 экологиялық класты тауарлық бензиндер шығару үшін жүргізіледі.
"Келісімшарттық жұмыстар аяқталуда. Құқық иесі объектінің негізгі дизайнын жасады. Қаржыландырумен мәселе шешілуде. Қаржыландырудың жалпы көлемінде 20 пайызы инвестордың қаражатын құрайды, қалған 80 пайызы-несие", - деп атап өтті Рүстем Кереев.
.JPG)
Оның айтуынша, зауытты 2026 жылы пайдалануға беру жоспарлануда. Инвестиция көлемі-72 миллион АҚШ доллары. Кәсіпорын жылына 95 мың тонна өнім өндіріп, 238 жұмыс орнын ашады. Жоба Қазақстанды индустрияландырудың бірыңғай картасына енгізілген.
"Мемлекет басшысының тапсырмасы бойынша біз Палата ретінде Павлодар облысында инвестициялық жобаларды жүзеге асырып, көмек көрсетудеміз. "Атамекен" өңірлік палатасының базасында оларды қолдау үшін прокуратурамен бірлесіп фронт-офис құрылды. Қазір мемлекеттік органдар тарапынан: облыс әкімінен, кәсіпкерлік және индустриялық-инновациялық даму басқармасынан инвестициялық жобаларға көп көңіл бөлінуде. Сондай-ақ, "Kazakh Invest" АҚ мен кәсіпкерлер палатасының көмегі бар. Бұл, менің ойымша, үлкен идеяларды іске асырудың табыстылығына ғана көмектеседі", - деп атап өтті" Атамекен " Павлодар ӨКП директоры Ерқанат Әбенов.
Инвестициялық жобаны таныстыра отырып, "INTERTRANS C. A." ЖШС өкілі болашақ кәсіпорынның аумағында инженерлік-геологиялық зерттеулер жүргізілгенін және жер учаскесін қоршау салынғанын айтты. Өндірісті бастау үшін қажетті негізгі ресурстарға техникалық шарттар алынды. Жобалау-сметалық құжаттаманы әзірлеу аяқталуда.
"Тәжірибе көрсеткендей, инвесторлардың алдында тұрған мәселелердің көпшілігі шешіледі. Оң мысалдар да бар. Мәселен, кадр тапшылығы мәселесі шешілуде. Инфрақұрылымдық сипаттағы мәселелер де шешілуде. Көмек көрсету үшін біз интерактивті инвестициялық картаны жүргізіп жатырмыз", - деп атап өтті Ерқанат Әбенов.
Ол компания қиындықтар туындаған жағдайда Кәсіпкерлер палатасына көмек сұрай алатынына сендірді.
Пікір қалдыру:
Пікірлер: