Ақтөбе облысы кәсіпкерлер палатасында дәрілік заттарды таңбалау мәселесі бойынша кеңейтілген кеңес өтті
КЕҢЕЙТІЛГЕН КЕҢЕС ОБЛЫС ӘКІМІНІҢ ОРЫНБАСАРЫ ҒАЛЫМЖАН ЕЛЕУОВТЫҢ ТӨРАҒАЛЫҒЫМЕН МФБКД, ФАРМИНДУСТРИЯ ӨКІЛДЕРІ, МЕДИЦИНАЛЫҚ МЕКЕМЕЛЕР БАСШЫЛАРЫ, "АТАМЕКЕН" ӨҢІРЛІК ПАЛАТАНЫҢ ДИРЕКТОРЫ ДИДАР БОРАНҚҰЛОВ ЖӘНЕ ЕКІ САЛАЛЫҚ КЕҢЕС – САУДА ЖӘНЕ ҚЫЗМЕТ КӨРСЕТУ, СОНДАЙ-АҚ ӘЛЕУМЕТТІК САЛА, БІЛІМ БЕРУ ЖӘНЕ ДЕНСАУЛЫҚ САҚТАУ ТӨРАҒАЛАРЫНЫҢ ҚАТЫСУЫМЕН ӨТТІ.
Кеңес барысында медициналық және фармацевтикалық бақылау комитетінің облыстық департаментінің өкілдері өз құзыреттері шеңберінде препараттарды өндірушіден тұтынушыларға дейін қадағалау тәртібін егжей-тегжейлі ұсынды. Қолданыстағы заңнамаға сәйкес дәрілік заттарды таңбалау және оларды қадағалау 2024 жылғы 1 шілдеде енгізілетінін еске салынды.
Бұл жүйені енгізу дәрілік препараттардың өндірушіден соңғы тұтынушыға дейінгі қозғалысының мониторингін онлайн-режимде қамтамасыз етуге мүмкіндік береді. Таңбалауды енгізудің барлық туындайтын мәселелері бойынша қосымша түсініктемелер беруге дайын. Бұған дейін бірнеше рет онлайн және офлайн форматта семинарлар ұйымдастырылған болатын", — деп атап өтті Департамент өкілдері.
Жалпы, дәрі-дәрмектерді қадағалау жүйесі медициналық ұйымдарда дәрі-дәрмектерді тіркеу және жалған есептен шығару мүмкіндіктерін болдырмауға, бөлшек сауда бағаларын, дәрі-дәрмектердің қалдықтары мен жарамдылық мерзімдерін бақылауға көмектесетіні атап өтілді.
.JPG)
Көптеген кәсіпкерлер дәрі-дәрмектерді таңбалаудың цифрлық жүйесіне көшу қажеттілігі туралы түсінік бар екенін айтты. Сонымен қатар, шешілмеген мәселелер әлі де жеткілікті және таңбалауды бастағанға дейін қалған уақытты барынша тиімді пайдалану және фармацевтикалық нарықтың барлық қатысушылары оларды нақты түсінуге қол жеткізу қажет.
Атап айтқанда, бағдарламалық жасақтаманың кейбір мәселелері, дәлірек айтсақ, интернет қосылымының тұрақсыздығымен және есептік жүйелерді интеграциясымен байланысты болды.
Кәсіпкерлер палатасында салалық кеңестер арқылы барлық проблемалық мәселелер бойынша нүктелік талқылаулар мен түсініктемелер ұйымдастыруға ниетті. Оның ішінде, осы мәселеде қолданылып жүрген нормативтік-құқықтық актілер мен талаптарды егжей-тегжейлі зерделеу, оларды бизнеске жеткізу, сондай-ақ дәрі-дәрмектердің айналымын мониторингтеу принципін, таңбаланған дәрілік заттардың есебін жүргізу үшін қажетті бағдарламалық қамтамасыз етуді зерделеу. Жұмыс Ақтөбе облысының фармацевтикалық қызметті қолдау және дамыту қауымдастығымен бірлесіп жүргізіледі.
«Дәрілік заттарды таңбалау-бұл ұлттық қауіпсіздік мәселесі. Оның негізгі міндеті-ел нарығына жалған өнімдер мен контрафактілік өнімдерді жібермеу. Сондықтан 1 шілдеден бастап жоба біздің өңірде іске қосылып, еш қиындықсыз жұмыс істеуі өте маңызды", - деді облыс әкімінің орынбасары Ғалымжан Елеуов.
.JPG)
Пікір қалдыру:
Пікірлер: