Павлодарлық «Атамекен» фермерлерге жер салығының еселеніп салыну мәселесін көтерді
Павлодар облысының кәсіпкерлер палатасында ауыл шаруашылығы тауарын өндірушілер тап болған мәселе көтерілді. Олар енді нормативтік-құқықтық актілердің өзгеруіне байланысты олар пайдаланатын жері үшін салықты ондаған мың емес, миллиондаған теңге төлеуге тиіс.
.JPG)
Мәселені «дөңгелек үстел» отырысында Павлодар облысы ӨКП директоры Ерқанат Әбенов талқылады. Мәселенің өзі кәсіпкерлердің өңірлік палатаға ұжымдық өтінішінен кейін белгілі болды. Фермерлер жер учаскелеріне базалық салық мөлшерлемесінің өзгеруімен келіспейді.
.JPG)
«2012 жылдан 2019 жылға дейін жергілікті атқарушы билік органдарының бірлескен қаулысымен және өкілді органдардың шешімімен Павлодар облысында 58 ауылдық елді мекен жойылды. Олардың облыс бойынша таратылуына байланысты кейбір келешегі жоқ ауылдар жақын маңға қосылды, ал шаруа және фермер қожалықтарына тиесілі ауыл шаруашылығы мақсатындағы жерлер елді мекендердің жерлері санатына жатқызылды», – деді Ерқанат Әбенов.
.JPG)
Палата директорының айтуынша, бұл жағдай жер салығы сомасының өсуіне алып келді. Өйткені есептеу бұрынғыдай емес, бір шаршы метрге – бір гектарға есептелген. Мысалы, бұған дейін Ақсу қаласының М.Омаров ауылдық округінде шаруа қожалығы ауданы 2079 гектар болатын төрт жер учаскесіне 28 мың теңге салық төлеген, ал бүгінде оған 17 миллион теңге салынған.
.JPG)
«Ақсу қаласының Евгеньев ауылдық округі: бұрын ШҚ төрт жер учаскесі үшін 69 мың теңге, бүгінде – 13 миллион теңге төлеген. Кәсіпкерлер келіспейтін көптеген мысал бар. Біз оларды осы бағытта қолдаймыз», – деді Павлодар облысы кәсіпкерлер палатасының директоры.
.JPG)
Павлодар облысының жер қатынастары басқармасының бөлім бастығы Нұржан Мұқанов 2018 жылы Салық кодексіне өзгерістер енгізілген кезде, онда ауыл шаруашылығы тауарын өндірушілерге бонитет баллы бойынша, яғни гектар үшін салықты есептеуге көмектесетін бап алынып тасталғанын түсіндірді. Сондықтан, егер олардың жерлері елді мекендерде болса, олар енді бұл салықты бір шаршы метрге төлеуі керек.
«Шартты түрде айтқанда, бір гектарға – он мың шаршы метрге, егер олар 50 мың төлесе, қазір 10-15 миллион төлейді. Менің ұсыныстарым мынадай. Бірінші ауыл шаруашылығы тауарын өндірушілер Салық кодексіне сәйкес арнайы салық режимін қолдана алады. Яғни, олар арнайы салық режимін өзгерту үшін уәкілетті органға (өз ауданы немесе қаласы бойынша Мемлекеттік кірістер басқармасына) жүгіне алады. Бұл ауыл шаруашылығы тауарын өндірушілер үшін жеңілдік сияқты. Онда, егер олар арнайы салық режимін қолданатын болса, оларға салықтың басқа түрлері қолданылмайды: көлікке, қоршаған ортаға эмиссияға, жер салығына және басқа төлемдер», – деп атап өтті Нұржан Мұқанов.
Шенеуніктің екінші ұсынысы – бұрын жойылған немесе басқалармен біріктірілген ауылдардың шекарасынан тыс жерлерді белгілеу. Елді мекеннен тыс жерлерде болатын аумақтар ауыл шаруашылығы мақсатындағы санатқа жатады, олардан бөлініп, қор мен кәсіпкерлік үшін пайдаланылатын болады.
«Үшіншісі – Салық кодексіне осы норманың қайта оралуы үшін өзгерістер енгізу және кәсіпкерлердің елді мекендердегі жерлерге төлемі, бұрынғыдай, бонитет баллымен есептелді», – деп қосты ол.
«Атамекен» палатасы директорының пікірінше, үш нұсқаның ішіндегі ең дұрысы және ақылға қонымдысы – шекараны өзгерту.
«Мәселе жойылған ауылдар мен жерлерді бір санаттан екінші санатқа ауыстыру туралы болып отыр. Бұл жылдам әрі оңай жол», – деді Ерқанат Әбенов, алгоритмді түсіну және әзірлеу қажет екенін, оны қалай және қандай мемлекеттік органдар жасайтынын атап өтті.
Ақсу қаласының прокуроры Қанат Атығаев қазір барлық құзыретті органдар осы маңызды мәселеге салмақты шешім қабылдауы қажет екенін айтты.
«Қазір «Атамекен» палатасының алаңында бұл тақырып көтеріліп жатқаны жақсы. Қалай болғанда да, бұл жер учаскелерді әрбір жер пайдаланушымен нүктелік жұмыстан кейін біз мемлекетке қайтаруымыз керек», – деді ол.
Пікір қалдыру:
Пікірлер: