ҚҚС мөлшерлемесінің өсуі бизнеске деген сенімсіздікті көрсетеді - Павлодарлық «Атамекен» өңірлік кеңесінің мүшесі
Павлодар облысы кәсіпкерлер палатасы өңірлік кеңесінің мүшесі Игорь Веретнов қосылған құн салығын 16 пайызға дейін көтеру мемлекеттің шағын және орта бизнеске сенімсіздігін білдіреді деп санайды.
«Қазір БАҚ-да қосылған құн салығының (ҚҚС) мөлшерлемесін 16 пайызға дейін көтеру мәселесінде инфляцияның жаңа айналымы мен бағаның көтерілуі басты аргумент болып отыр. Бірақ жақында ғана Қазақстан Президенті сөз сөйлеп, шағын және орта бизнесті (ШОБ) қолдау шараларын арттыру қажет екенін айтты. Қайта қаржыландыру мөлшерлемесі төмендейді, бірақ сонымен бірге, ҚҚС көтеру арқылы бұл шаралар, мүмкіндігінше, ҚҚС ұлғаюымен екінші деңгейлі банктердегі ШОБ несиелеу мөлшерлерін төмендетуге бағытталған!». – дейді Игорь Веретнов.
Ол өз уақытында Ұлттық кәсіпкерлер палатасы, «Атамекен» өңірлік палаталары ҚҚС мөлшерлемесін төмендету және мемлекеттің шағын және орта бизнеске деген сенімін арттыру бойынша белгілі бір жұмыс жүргізгенін еске салды. Кәсіпкерлер де бұған жауап берді. Осы салықтың мөлшерлемесін төмендете отырып, бизнес «сұр аймақтан» шыға бастады. Осыдан бюджетке түсетін түсімдер тек қосылған құн салығы түрінде ғана емес, басқа да салықтар түрінде өсті.
«Яғни, жеке компаниялар адал жұмыс істеп, салық төлеп, барлық қажетті жарналарды, соның ішінде зейнетақы қорына, міндетті әлеуметтік және медициналық сақтандыру қорына аудара бастады. «Атамекен» ҰКП-ның бұл талпыныстары оң нәтиже берді. Бірақ қазір ҚҚС мөлшерлемесін көтеру арқылы мемлекет тарапынан шағын және орта бизнес құрылымдарына белгілі бір сенімсіздік бар екенін түсінуге болады екен! Шамасы, оларды жосықсыз және әлеуметтік бағдарсыз кәсіпкерлер деп санайды ма? Ал енді кәсіпкерлік субъектілері қалай дами алады?». – дейді ол.
Бүгінгі төмендетілген қосылған құн салығы мемлекеттің бизнеске деген сенімі, деді Игорь Веретнов.
Егер ҚҚС мөлшерлемесі көтерілсе, жеке компаниялар қайтадан «сұр аймаққа» кете бастайды. Осы және де басқа салықтарды төлеуден түсетін түсімдер азая бастайды. Сонымен қатар, жекелеген кәсіпорындардың жұмысшылар алдындағы әлеуметтік міндеттемелері бар. Сондықтан жұмыс берушілердің ғана емес, қызмет көрсету саласында жұмыс істейтін, тұтынушылармен тікелей өзара іс-қимыл жасайтын Қазақстанның көптеген шағын және орта бизнес қызметкерлерінің де мүдделері елеулі түрде қозғалады. Егер өндірістік сала мемлекеттік преференцияларды алса, онда Қазақстанда ШОБ-та қызмет көрсету саласын дамыту преференцияларын алмайды.
«Салық өсімі тағы кімдерге әсер етеді? Ауыл шаруашылығы техникасын лизингке алған шаруаларға. ҚҚС-тан босату тек өндірушіден құрал-жабдық сатып алатындарға ғана қатысты, ал бізде ауыл шаруашылығы техникасын өндіруші іс жүзінде жоқ, сондықтан босату жұмыс істемейді. Түптеп келгенде бәрі ауылшаруашылық өнімдерінің қымбаттауына әкеледі, себебі шаруаның өнімнің өзіндік құнын көтеруден басқа амалы қалмайды», - деп қосты сарапшы.
Пікір қалдыру:
Пікірлер: