Павлодарлық "Атамекенде" сән-салтанат салығы түсіндірілді
Павлодар облысының Кәсіпкерлер палатасында «Атамекен» ӨКП «Сауда және қызмет көрсету» комитетінің отырысы өтті.
Палата директорының орынбасары Мүбарак Жақыпов өткізген кездесуде бизнес өкілдеріне жаңа Салық Кодексіне енгізілген өзгерістер түсіндірілді. Павлодар облысы бойынша Мемлекеттік кірістер департаменті түсіндіру жұмыстары басқармасының басшысы Галина Бирюкованың айтуынша, қазір Қазақстанның жаңа Салық кодексі белсенді талқылануда.
"Ел президенті Қасым-Жомарт Тоқаев республика халқына кезекті жыл сайынғы Жолдауында сөйлеген сөзінде салық төлеушілер мен мемлекеттік кірістер органдары арасындағы жаңа салықтық қатынастар неғұрлым түсінікті болуы үшін осы Кодекске өзгерістер енгізу қажеттігін айтты. Елдегі салық саясатын Ұлттық экономика министрлігі жүзеге асырады", - деп толықтырды Павлодар облысы Кәсіпкерлер палатасының директоры Серік Сәдуақасов.
Бірақ кодекске өзгерістерді салық және кеден органдары кәсіпкерлер палатасымен, есепшілермен, бизнес өкілдерімен бірлесіп әзірлеуде.
.JPG)
"Жаңа Салық кодексінде сән – салтанатқа жаңа салық енгізіледі. Ол қымбат объектілерді: жылжымайтын мүлікті, көлік құралдарын сатып алу кезінде алынады. Біз бұл орта тапқа әсер етпейді деп күтеміз, тек үлкен активтері бар адамдар санатына әсер етеді. Бұл жағдайда үлкен табыс бюджетті толықтыруға қатысады", - деп атап өтті Галина Бирюкова.
Павлодар облысы Кәсіпкерлер палатасы «Сауда және қызмет көрсету» комитетінің отырысында аяқ киімдерді таңбалау, сондай-ақ мемлекеттік бақылауды жүргізуге және кәсіпкерлік субъектілерінің есептерін ұсынуға байланысты әкімшілік рәсімдерді бюрократиясыздандыру мәселелері талқыланды.
.JPG)
Пікір қалдыру:
Пікірлер: