Павлодарлық кәсіпорындар Астанада өткен отандық тауар өндірушілердің көрмесінде өздерін лайықты түрде көрсетті
Елордада отандық тауар өндірушілердің тауарларының көрмесі өтті. 100-ден астам компания өз өнімдерін: есепке алу аспаптары, өрт сөндіргіштер, сантехника, есік, терезе, арматура, электр кабельдері, құрылыс материалдары, жиһаз, электроника, жылу жүйелерін ұсынды. Олардың қатарында павлодарлық кәсіпорындар да болды.
Көрмені ұйымдастырушылар – ҚР Индустрия және инфрақұрылымдық даму министрлігі және ҚР «Атамекен» Ұлттық кәсіпкерлер палатасы. Оған Білім министрлігі мен «Самұрық-Қазына құрылыс» қорының, Қазақ құрылыс және сәулет ғылыми-зерттеу және жобалау институтының (ҚазҚСҒЗИ) өкілдері шақырылды.
Отандық бизнес өз өнімдерін көрсетіп, «Жайлы мектеп» ұлттық жобасын жүзеге асыру барысында негізгі көлемге деген сұранысты қанағаттандыруға дайын екенін мәлімдеді.
«Көрменің мақсаты – жоба операторына, жауапты мемлекеттік органға Қазақстанда ынтымақтасуға және мектеп құрылысына отандық өнімді жеткізуге дайын өндірушілердің жеткілікті саны бар екенін көрсету. Кәсіпкерлер өз кезегінде технологияларын жетілдіріп, өнімдерінің сапа стандарттарына сай болуға келіседі. Жобаны жүзеге асыру негізінен бюджет қаражаты есебінен жүзеге асырылатынын ескерсек, бірінші кезекте жергілікті қамтуды тартып, ол болмаған жағдайда ғана шетелдік өнімді пайдалану қажет деп есептейміз», - деді Мұрат Әмрин, ҚР «Атамекен» ҰКП басқарма төрағасының орынбасары.
Павлодар облысының кәсіпкерлері көрмеде өздерін тағы да танытты. Олардың қатарында «Казэнергокабель» АҚ (кабель және сым бұйымдарын, алюминий сымын өндіру), «МВИ зауыты» ЖШС (жылу оқшаулағыш материалдар өндірісі), «Павлодар құбыр прокат зауыты» ЖШС (болат құбырлар өндірісі), «Кастинг» ПФ ЖШС (ұнтақтау шарларын өндіру және шыбықтар, арматуралық болат, болат құймалар), «КазБитумСервис» АҚ (битум-полимер негізіндегі жұмсақ шатыр материалдарын өндіру), сондай-ақ жиһаз фирмалары «Лама» ЖШС, «Троя» ЖШС және «Феникс» ЖШС.
"Кәсіпкерлер жайлы мектептер құрылысына пайдалануға болатын құрал-жабдықтар мен тауарларды таныстырып, қазіргі таңда қазақстандық тауар өндірушілердің өнімдерін пайдалануға кепілдіктің жоқтығынан туындап отырған проблемаларды атады", - дейді Павлодар облысы Кәсіпкерлер палатасының директоры Серік Сәдуақасов.
Пікір қалдыру:
Пікірлер: