Павлодарлық «Атамекенде» жекеменшік мектептердің құрылысына инвесторларды тартудың шарттары айтылды

2023 жылғы 28 Наурыз

- Павлодар облысы

7942 просмотров

Павлодар облысының Кәсіпкерлер палатасында білім беру саласының инфрақұрылымдық дамуына бағытталған жобаларды ілгерілету бойынша Қаржы орталығының отырысы өтті. Кәсіпкерлердің, «Даму» қоры өкілдерінің және банк құрылымдары өкілдерінің қатысуымен «RoadShow» форматында білім беру нысандарындағы жаңа инвестициялық бағдарламаны түсіндіру бойынша ақпараттық науқан ұйымдастырылды.

Кездесуде инвесторларға арнайы жаңа бағдарламаның операторы ретінде әрекет етуді ұйғарған құрылыс салушыларға шығындарды өтеу шарттарын түсіндіріп, студенттік жатақханалар мен жекеменшік мектептердің құрылысына инвестиция салу жөнінде кеңестер берілді. Ұйымдастырушылар 2023 жылы жатақханалар мен мектептерді салу және қайта жаңғырту бағдарламасына өзгерістер енгізілетінін атап өтті.

«Кәсіпкерлерге арналған бағдарламаның шарты бойынша 1 қаңтардан бастап стандарт ұлғайтылды. Жекеменшік мектептерді салу және қайта құру шарттары өзгерген жоқ – бір студенттік орын үшін нормативтер бойынша өтемақы 8 жыл ішінде құрылысқа 96 айлық есептік көрсеткішті, қайта құру кезінде 47 АЕК құрайды. Жатақханалар үшін жағдай жақсарды: құрылыс кезінде 195 АЕК және 6 жыл төлем, қайта қалпына келтіру кезінде 8 жылға 47 АЕК. Біздің мақсатымыз – студенттер жатақханалары мен жекеменшік мектептердің ғимараттарын салуға және қайта жаңғыртуға инвесторларды тарту, сол арқылы облыстың оларға деген қажеттілігін жабу. Мұның пайдасы – жатақханалардағы орын тапшылығын, мектептердегі оқушылар орнының тапшылығын жою, субсидиялау арқылы жұмыс орындарын ұйымдастыру. Инвесторлар мен кәсіпкерлердің шығынын өтеу осылай жүзеге асырылады. Егер инвесторлар мен кәсіпкерлер осындай бағдарламаның операторлары ретінде бізбен жұмыс істей бастаса, бұл студенттердің қалыпты жағдайда өмір сүруіне мүмкіндік береді. Ал қазір студенттердің пәтер жалдауына мәжбүр болуы жылжымайтын мүлік бағасының өсуіне әкеліп соғады», - деп түсіндірді «Қаржы орталығы» АҚ өкілі Әлішер Дощанов.

Оның айтуынша, «Қаржы орталығы» АҚ алдымен инвесторлармен тәуекелдерді болдырмау, нысанның ыңғайлы әрі қолжетімді болуы үшін жатақхана орнын дұрыс таңдауды талқылайды. Тұрмыстық жағдайды ұйымдастыру бойынша кеңестер жүргізілуде: егер олар талапқа сай болмаса, онда ешкім тұрғысы келмейді.

«Оқу жылының басында жатақхана ашу қиын. Егер олар ашық болса және оқу жылы басталып қойған болса, кейбір студенттер қоныстанған болуы мүмкін және жобалық қуаттылықпен қамту аяқталмауы мүмкін. Кәсіпкерлерге түсетін салмақты азайту үшін бірінші жылы жатақханаларға жеңілдік беріледі», - деді Әлішер Дощанов.

Тыңдаушыларға мәселен, жобаға қатысуға ниет білдірген құрылыс салушы өз қаражатына нысан салып, 6-8 жыл пайдалануға берілгеннен кейін әрбір нақты алған орын үшін мемлекеттен төлем алатыны түсіндірілді.

Жергілікті банк өкілдері бұл бастаманы қолдап, кәсіпкерлерді орналастыруға дайын екендіктерін жеткізді.

«Инвестор коммерциялық кеңістіктен де қосымша табыс ала алады, яғни жатақхана базасында асханалар, шаштараздар және басқа да тұрмыстық нысандар ашуға мүмкіндігі бар», - дейді Павлодар облысы Кәсіпкерлер палатасының директоры Серік Сәдуақасов.